კულტურული და სოციალური ნარატივების ლაბორატორია (CSN LAB)

CSN ლაბორატორია ერევანში მდებარე კულტურული ორგანიზაციაა. ისაა აქტიური კულტურული ინიციატივა, რომელიც ჩართულია კვლევებში და მხარს უჭერს კულტურულ და ადამიანის უფლებათა აქტივიზმს. CSN ლაბორატორიის გუნდის ძირითადი ფოკუსი მეხსიერების კვლევებია, როგორებიცაა ურბანიზმი და მეხსიერება, კოლონიური წარსული და მეხსიერება, მიგრაცია და მეხსიერება, ბუნება/გარემო და მეხსიერება და სხვა. მრავალდარგობრივი კვლევითი ინიციატივების მეშვეობით, ორგანიზაცია ხაზს უსვამს საზოგადოებრივი დისკურსის მნიშვნელობას ვერნაკულარული არქიტექტურის დაცვის, არქიტექტურულ გარემოში თანაარსებობის მრავალფეროვანი ფორმების შესწავლის და კულტურული მემკვიდრეობის (როგორც მატერიალური, ისე არამატერიალური) დაცვის საკითხებზე.

როგორც კულტურის ორგანიზაცია, CSN ლაბორატორია მხარს უჭერს უფლებებს კულტურაში და დემოკრატიას სომხეთსა და სამხრეთ კავკასიის რეგიონში. გუნდი სომხეთის ახალგაზრდა დემოკრატიის მხარდაჭერის, ადგილობრივ და რეგიონულ დონეზე დიალოგის ხელშეწყობის, კონფლიქტების ტრანსფორმაციის, თანასწორობისა და სოლიდარობის განმტკიცების და მდგრადი სოციალური და კულტურული ეკოსისტემის განვითარების ერთგულია. როგორც სომხეთის სამოქალაქო საზოგადოების აქტიური მონაწილე, CSN ლაბორატორია ასევე მნიშვნელოვან როლს ასრულებს სომხეთსა და ევროკავშირს შორის დიალოგის ხელშეწყობასა და გაღრმავებაში.